Bargobihtát
Mielkeráđđi
Čielggat, mat earut leat loahppemielkkis, loahpis, jogurttas ja mielkkis.
Doaimma ná
Leike lássii mielkki ja nubbái loahppemielkki sihke juoge borranbaste dievva luonddujogurtta ja loahpi unna lihtiide.
Smáhke ovtta mielkebuktaga hávil ja suokkar makkár hádja das lea, makkár lea olggosoaidnit, makkár smáhkka ja mo dat orru njálmmis. Sáhtát printet árvvoštallama veahkkin mielčuovvu skovi.
Suokkar, mas eará mielkebuktagiid earálágan ráhkadus ja smáhkka boahtá ja mo buktagat válmmaštuvvojit. Mii buktagiin lei eanemus suvrra? Gávdnuigo buktagiin njálgga smáhkka? Naba sálttis? Mii lei du mielas buoremus?
Sáhtát geavahit smáhkemis gárvves buktagiid, dahje bargat daid ieš.
Bistin
Sullii okta diibmu
Maid dárbbašat
Guokte lása ja guokte unna lihti
Loahppemielkki, mielkki, loahpi, luonddujogurtta
Árvvoštallanskovi
Info ollesolbmuide
Bargobihttá sáhttá dahkat okto, párain dahje joavkkus. Heive dahkat maid luohkás.
Heive buot ahkejoavkkuide. Nuorabuin árvvoštallama sáhttá dahkat njálmmálaččat ja ovtta joavkun.
Válddathan vuhtii allergiijaid ja sierradiehttaid.