10 x šaddorádjanhástalus

Doaimma ná

Vállje ja čađat sesoŋŋa hástaluslisttu 10 millosamoš bargobihtá. Hástal maiddái skihpárat dahkat njálgga bargobihtáid!

Maid dárbbašat

Šaddorádjanhástalusa bargobihtát

1. Smáhke šattu, man it ovdal leat smáhken.
2. Mana meahccái čoaggit sarridiid.
3. Láibbo sarritgáhku.
4. Vuolgge rávisolbmuin guopparmeahccái. Čoakke dušše daid guobbariid, maid dovddat.
5. Smáhke aspárgosa eará hámiiguin: vuššojuvvon, bassojuvvon, gratiinnas, budnjojuvvon. Smiehta, mo smáhkka rievdá.
6. Hástal skihpárat saláhttagilvui: goabbá borra johtileappot ruvko dievva saláhta?
7. Čuohpa šaddosákkiid ja ráhkat daidda butnjosa ovdamearkan luonddujogurttas ja njaddasiin. Návddaš herskuin ealligova geahčadettiin!
8. Smáhke, makkár ruovttus gávdnon vuostá smáhkka lea ovdamearkan murjjiiguin ja heđemiiguin. Fuomášatgo, bohtetgo vuosttás sierralágan smáhkat eará ávdnasiiguin boradettiin?
9. Base spináhtta- dahje rušpebánnogáhkuid.
10. Čále divtta čavčča šattuin.
11. Oastet ruoktot stuorra nođđokálla ja ávkkástallet dan eará biepmuin – ovdamearkan wokka, gordojuvvon uvdnašattuin, saláhtain ja lođábiepmuid ávnnasin. Man galli borramuššii ovtta kállás leat ávdnasat?
12. Oza somes buot njálgaseamos gova, mas leat šaddoáigodaga šattut. Smiehta, mii dan borramušas dahká nu geasuheaddji.
13. Ráhkat čavčča misugumma gaskabihttán, herve dan šaddobaji murjjiiguin ja heđemiiguin.
14. Ovddit bearrašiiddát dahje ustibiiddát menu šaddorádjantemáin. Gohkkejehket ovttas biepmuid ja návddašehket hearvás kekrieahkedačča.
15. Ráhkat sarritmielkki mielkkis ja sarridiin.
16. Jursse ja smáhke náppoža. Iigo leatge njálgga, heahkastuvvetgo?
17. Iskka grillet geassegurppeha vajahasaid. Čielggat, manin dat ruškkodit grilledettiin.
18. Ráhkat šaddoáigodaga smoothie! Lasit seaguhanmašenii ovdamearkan jogurtta, sarridiid, árabut geassit jiekŋuduvvon eanamurjjiid ja spináhta dahje nođđokálla. Sehkke šallat juhkamuššan ja návddaš!
19. Oastte toarggas varas hearttaid. Spoahkkal bađvviid rabas ja návddaš herskuin!
20. Ráhkat njálgga eppelsteaikka eppeliin ja hávvarrivnniiguin.