RuokaTutka – Mánát ja nuorat borramušdutkin
BorramušRádár ulbmilin lea buoridit mánáid ja nuoraid dearvvašlaš borrandábiid. BorramušRádár figgá dasa, ahte mánáide šaddá albma beroštupmi borramuššii ja eanadoallobuktagiidda. Ulbmilin lea maiddái mielkki ja mielkebuktagiid sihke šattuid, heđemiid ja murjjiid ávkkástallama lasiheapmi. Mii dahkat šattuid ja mielkki oidnosii ja oahpisin. Bora maid oainnát ja dovddat!
Prošeakta lea oaivvilduvvon vuosttamužžan mánáide ja nuoraide árabajásgeassimis álo gitta nuppi dássái. Nuppeárvosaš ulbmiljoavkun leat bajásgeassit, oahpaheaddjit ja vánhemat.
Stuorra oassi suopmelaš mánáin ja nuorain leat Eurohpá uniovnna skuvlavuogádaga siste. Skuvlavuogádaga bokte dorjot mielkki ja heđemiid sihke šattuid ávkkástallama beaiveruovttus gitta nuppi skuvllendássái. Vuogádaga áigumuš lea ovddidit dearvvaslaš borrandábiid. Suomas vuogádaga ruhtadeamis vástida Dálonguovlodoaimmahat. BorramušRádár-prošeakta gullá skuvlajuohkinvuogádaga lavttadoaimmaide.
BorramušRádár fállá bajásgeassiide bargoneavvuid ja mánáide sihke nuoraide jurddašeami ja áicama ilu. Min dieđuin lea nana vuođđu árabajásgeassin- ja oahpahusplánain sihke dutkojuvvon dieđus. Earálágan bargobihtát, gilvvut ja eará sisdoallu veahkehit máŋggalohkanmáhtu ovdáneamis. Mánáid ja nuoraid dáidu háhkat, ovttastahttit, buvttadit, gieđahallat ja árvvoštallat dieđu dorjojuvvo ja ovddiduvvo earálágan mielkái ja šattuide laktásan sisdoaluin.
BorramušRádár movttiida mánáid ja nuoraid jearrat, dutkat ja fuomášit. Ulbmilin lea bajásgeassit mánáin ja nuorain borramuša, borramuša buvttadeaddjiid ja ráhkadeaddjiiid arvvus atnán, borramuššii ja borramii liikon sihke borramuššii laktásan dieđu diehtoáŋgiris ja čeahpes ohcci ja dulkojeaddji borramušriikkavuložiid.
Bajásgeassiin, oahpaheaddjiin, divššáriin, skuvlla restoráŋŋa bargiin ja vánhemiin lea stuorra rolla BorramušRádár dutkanmieđušteaddjin, doarjaleaddjiin ja ofelažžan. Bures boahtin dutkanmátkái borramuša máilbmái ovttas mánáiguin ja nuoraiguin!
Prošeavtta ruhtada Dálonguovlodoaimmahat ja ollašuhttá ovttasbargun gulahallandoaimmahat Cocomms Oy, Evermade Oy, borramuškulturguovddáš Ruukku ry, Nuorta-Suoma universitehta UEF sihke Ammattikeittiöosaajat Amko ry.
