Boradanhárjánumit ovdánit miehtá eallima
Borramušas lea guovddáš, máŋggabealat mearkkašupmi min eallimis. Borramuš laktása kultuvrii ja ovttasorrumii, juohká beaivvi ja buktá dorvvolašvuođadovddu ja lea buresbirgejumi vuođđu. Borranhárjánupmámet ja gaskavuohtamet borramuššii ja boradeapmái hápmašuvvet oppa eallimat áigge borramuškultuvrra ealedettiin ja leamen vuorrováikkuhusas earáiguin.
Boradanhárjánumiid vuođđu dahkkojuvvo jo mánnávuođas
Borramušvásáhusat ja boradanhárjánumit, maid oažžut ja oahppat mánnávuođas seilot min mielde guhkás rávisvuhtii. Dat dahket vuođu borramušdoaladumiide, maid vuođul dahkat beaivválaš borramušválljejumiid sihke alcces ja bearrašii.
Borramušhárjánumiid ovdáneapmái váikkuhit máŋggat ovttaskas dahkkit, mat leat earret eará diehtodássi, nákcema dovdu ja iešdovdu. Máná ja nuora lagašbirrasis lea stuorra mearkkašupmi daid nanusin ovdáneami dáfus. Oktagas dahkkiide gullet maiddái oktagas earut smáhkemis; nuppit mis smáhkejit ovdamearkan njálgga njálgáseappon ja rihča rihčaseappon go nuppit. Borramuša smáhkka oppalohkái sáhttá leat rávisolbmo njálmmis earálágan go máná njálmmis. Oktagaslaš earuin fuolatkeahttá earálágan smáhkain liikoma dahje daid dohkkeheami sáhttá hárjehallat. Dás veahkkin sáhttet leat máná ja nuora váldin mielde málesteapmái ja earálágan smáhkenbarggut, mat leat ávkin buot áiccuiguin borramuššii oahpásmuvvamis. Áiccaide vuođđuduvvan borramušbajásgeassin-vuogis gávdno lasi diehtu Smáhkkaskuvla-bihtás. (TÄHÄN LINKKI RUUKUN TEKSTIIN MAKUKOULUSTA),
Borramušbajásgeassin lea árgabeaivi borramušain
Oktagaslaš dahkkiid lassin máná ja nuora lagašbirrasis, ruovttus ja skuvllas lea guovddáš mearkkašupmi boradanhárjánumiid ovddideami dáfus. Lagašbirrasii gullevaš olbmuid, dego vánhemiid, eará lagašrávesolbmuid ja skuvla bargoveaga iežas boradanhárjánumit, borramuššii laktásan sáhka ja láhtten láidejit maiddái máná ja nuora. Dán láhkai maiddái máná ja nuora lagašbirrasii gullan olbmot doibmet bealisteaset borramušbajásgeassiin. Leago dus báhcán millii iežat mánnávuođastat rávesolmmoš, mii máhtii dahkat boradanbottus earenoamáš somá? Leigo son kánske du áhkku/áddjá, gii sáhkkiiđit guldalii mánáid muitalusaid boradanbeavddis, vai leigo iežat ustibat vánhen, gean kástarullas reahkkájedje buđehat maiddái ustitjovkui?
